Rådgivartenesta

Karin Loe - rådgivar ved Stranga vgs

- karin.loe@mrfylke.no

- tlf. 70268683 / 94175420

Du finn rådgivarkontoret i 1. etasje (resepsjonen). Kontoret er ope kvar dag, sjå oppslag på basisrommet når rådgivar har kontortid. Dersom du treng å snakke med meg utanom desse tidene, kontakt Randi, Rigmor eller Hildegunn i resepsjonen.

Retten til nødvendig rådgiving:
Opplæringslova (§22) slår fast at eleven har rett til to ulike former for nødvendig rådgiving, sosialpedagogisk rådgiving og utdannings- og yrkesrådgiving:

Sosialpedagogisk rådgiving:
Den enkelte eleven har rett til å få nødvendig rådgiving, oppfølging og hjelp med å finne seg rette under opplæringa. Ved behov kan eleven få hjelp til mellom anna å:

• kartlegge problem og omfanget av desse
• kartlegge kva skolen kan bidra med, og om det er behov for hjelpeinstansar utanom skolen
• finne dei rette hjelpeinstansane og formidle kontakt med desse.

Utdannings- og yrkesrådgiving:
Den enkelte eleven har rett til å få rådgiving om utdanning, yrkestilbod og yrkesval. Den enkelte eleven skal få informasjon om utdanning, yrke og arbeidsmarknad:

• rådgiving og rettleiing som er knytt til val av yrke og utdanning
• informasjon om yrkesområde og arbeidsmarknaden lokalt, nasjonalt og internasjonalt
• informasjon om utdanningsmoglegheiter i Noreg og andre land
• informasjon og bruk av rettleiingsverktøy
• informasjon om søknadsfristar, inntaksvilkår og finansieringsordningar
• opplæring og rettleiing om jobbsøking og andre søknadsprosedyrar

Utdannings- og yrkesrådgiving er eit samarbeid mellom ulike personar og instansar på skolen, som rådgivar, kontaktlærar, faglærar og eksterne samarbeidspartnarar (andre utdanningsnivå, lokalt næringsliv….) Rådgivningen kan være både individuell og gruppevis.