Right menu
Friluftslivgruppa på vintertur
I veka før vinterferien var gjengen på friluftsliv 1 og 2 på vintertur. Det var dei tre elevane på friluftsliv 2 som hadde ansvar for det meste på denne turen - men veret fekk dei ikkje gjort noko med.
Turen gjekk frå Løsetsætra i Sykkylven, over ryggen til Sandvikhornet og fram til Løsetskaret. Derfrå gjekk vi vidare til Vassætra.
Overnattingane skulle eigentleg gå føre seg i snøhole, men grunna lite og svært kompakt snø, måtte vi ty til telta. Første natta låg vi ovanfor Løsetvatnet etter å ha slått opp telt i mørknet. Den andre dagen gjekk vi til Løsetskaret der vi prøvde å få til snøhole utan å lukkast. Vi hadde likevel ei overnatting der, i telt.
Den tredje natta var dei fleste ganske våte, og når det vart lokka med ei hytteovernatting på Vassætra som avslutning på turen var det ingen som nekta.
