Right menu
Grillfest i strålande ver
Første skuleveka vart avslutta med grillfest i strålande ver fredag 18. august. På plenen utanfor skulen var det sett opp grillar og partytelt, og elevar og lærarar kosa seg med grillmat i det fine veret.
Dei to første skuledagane i skuleåret 2006/2007 er over. Tilspassinga til nytt skuleår er slutt, og måndag 21. august startar det opp med ordinær timeplan.
Men dei to første skuledagane i den første veka vart avslutta med grillfest i strålande ver på plenen utanfor skulen. Vaktmeister Nils og andre frå skulen sitt personale hadde sett opp partytelt og grillar, og då elevar og lærarar kom ut kl. 13:00 var det god varme på grillane. Hamburgarar, pølser og salat fekk kvar enkelt det ein kunne stappe i seg av.
Stemninga på plenen var god, og elevar og lærarar uttrykte store forventningar for det komande skuleåret. Dersom framhaldet blir slik som starten så ser det i alle fall fint ut.
