Right menu
Stranda vidaregåande skule utviklar verdsarvprogram
Vestnorsk fjordlandskap kom i 2005 med på UNESCO si verdsarvliste. Geirangerfjorden, den eine av dei to fjordane som er med, ligg i inntaksregionen til Stranda vidaregåande skule. Stranda vidaregåande skule søkjer nå om å få midlar til å skape eit utdanningstilbod som kan gje ungdomen forståing for dei nye utviklingsmoglegheitene i regionen, vekkje interesse for nyskaping innafor det lokale næringslivet og medvit om lokal identitet. Vidare ser vi at verdsarvstatusen kan gjere det mogleg å utvikle spanande internasjonale skuleprosjekt.
Det var sommaren 2005 av UNESCO sin verdsarvkomite avgjorde at Geiranger- og Nærøyfjorden er ein del av verdensarven. For første gong kom ein del av norsk natur på denne prestisjetunge lista.
I godt selskap
Det vestnorske fjordlandskapet kom med dette i selskap med mellom anna pyramidene i Egypt, viktoriafalla i Afrika, Den kinesiske muren og Grand Canyon i USA.
I grunngjevinga peika Verdsarvkomiteen mellom anna på at Geirangerfjorden og Nærøyfjorden vert rekna mellom dei finaste fjorlandskaper i verda.
Du kan lese heile søknaden under aktivitetar.
